नयाँ नेपालमा सभासदको यस्तो चर्तिकला : सभासद को एस् एल सी छोरीले दिदै, पक्राउ परेपछी सभासदलाई होइन केन्द्राध्यक्ष्यलाई पो कार्वाही ! यस्ता सभासदले कस्तो शान्ति र संबिधान बनाउलान !!!

यस्ता औठा छापहरु लेख्दैछन नेपाल र नेपालीको भबिस्य, कस्तो बिडम्बना ?

Exclusive news......

सर्लाही / नेकपा एमालेबाट सभासद् बनेकी ४२ वर्षीया किरणदेवी यादवले आफ्नो नामबाट छोरीलाई एसएलसी परीक्षा दिन लगाएको रहस्य खुलेको छ । उनकी छोरी ममता स्नातक तहकी विद्यार्थी हुन् । सर्लाहीको मानपुर घर भएकी सभासद् किरणदेवीले स्थानीय मानपुर माविबाट एसएलसी परीक्षाका लागि फारम भरेकी थिइन् । सो विद्यालयको परीक्षा केन्द्र बरहथवास्थित चक्र जनता सहिद गंगा उमाविमा परेको छ । केन्द्रमा नक्कली परीक्षार्थी बनेर ममतादेवीले आमाको परीक्षा दिइरहेको रहस्य एसएलसीको तेस्रो दिन आइतबार मात्र खुलेको हो । सभासद् यादवलाई नक्कली परीक्षार्थी राखेर एसएलसी परीक्षा दिलाएको आरोपमा आइतबार केन्द्राध्यक्षलाई कारबाही गरिएको छ । चक्र जनता सहिद गंगा उमाविका केन्द्राध्यक्ष राजकुमार ठाकुरलाई हटाई उनको स्थानमा सहायक केन्द्राध्यक्ष विनयकुमार साहलाई नियुक्त गरिएको छ । केन्द्राध्यक्ष ठाकुरले आफ्नो केन्द्रबाट परीक्षा दिने विद्यार्थीको सूचीमा सभासद्को नाम रहेको आजै थाहा पाएको दाबी गरे । 'सभासद् यादवको नाम मानपुर माविबाट एसएलसी दिने विद्यार्थीको सूचीमा रहेको मैले पनि आज थाहा पाएँ,' उनले भने, 'आज उहाँको
स्थानमा अर्कै एक महिला परीक्षा दिन आएको थाहा भयो, निगरानी गरेपछि ती नक्कली विद्यार्थी भागिछिन् ।'

नेकपा एमालेबाट सभासद् बनेकी ४२ वर्षीया यादवले आफ्नो माइती गाउँ रौतहटको माधवपुरमा कक्षा आठसम्म अध्ययन गरेको एक स्थानीय बासिन्दाले बताए । आफ्नो योग्यता बढाउन उनले छोरी ममतादेवीलाई एसएलसी परीक्षा दिन लगाएकी हुन् । श्रीमान्को राजनीतिक प्रतिशोधका कारण हत्या भएपछि उनी ०५४ मा मानपुर गाविसकी अध्यक्ष भएकी थिइन् । नक्कली परीक्षार्थी राखेको जिल्ला शिक्षा अधिकारी, प्रहरी उपरीक्षक र प्रमुख जिल्ला अधिकारीलाई जानकारी भए पनि सभासद् भएको कारण कोही पनि बोल्न तयार छैनन् । एसएलसी समन्वय समितिका अध्यक्ष प्रमुख जिल्ला अधिकारी शम्भु घिमिरेले अमर्यादित रूपले परीक्षा सञ्चालन गरेको पाइएपछि ठाकुरलाई हटाएको बताए । सभासद्को स्थानमा अर्कैलाई परीक्षा दिलाएकोलगायतका अनियमितताका बारेमा थप छानबिन भइरहेको प्रजिअ घिमिरेले जानकारी दिए । आइतबार साँझ केन्द्राध्यक्ष रायलाई जिल्ला प्रहरी कार्यालय झिकाइएको छ । केन्द्राध्यक्ष ठाकुरले सभासद्को नाममा परीक्षा दिन आउने महिलाले स्क्यानिङ गरेको प्रवेशपत्र बोकेको पाइएपछि आफूले गेटबाटै बाहिर पठाएको दाबी गरे । सभासद् यादवको सिम्बोल नम्बर ०२२७५९७ एस रहेको छ । उनीसँग सम्पर्क गर्ने प्रयास सफल भएन । सर्लाहीकै ईश्वरपुर केन्द्रबाट सभासद्मा पराजित एक स्थानीय नेता आफंै उपस्थित भएर नियमित परीक्षा दिइरहेका छन् । ईश्वरपुरस्थित उमावि केन्द्रबाट ४३ वषर्ीय अहमद मिकरानीले नियमित परीक्षार्थीको रूपमा एसएलसी दिइरहेका हुन् । उनी संविधानसभाको निर्वाचनमा सद्भावना पार्टीबाट सर्लाही क्षेत्र नम्बर एकको उम्मेदवार भएका थिए ।