खुमवहादुरलाई पनि सर्वोच्च अदालतले १५ दिनभित्र झिकाउने आदेश

सर्वोच्च अदालतले कङ्ग्रेस नेता खुमबहादुर खड्कालाई १५ दिनभित्र झिकाउने आदेश दिएको छ। प्रधान न्यायाधीश रामप्रसाद श्रेष्ठ र न्यायाधीश सुशीला कार्कीको संयुक्त इजलासले यसरी 'झिकाउने' आदेश दिएको हो। खड्काविरुद्ध २०६३ चैत १५ गते सम्पत्तिको स्रोत नखुलेकोबारे सर्वोच्च अदालतमा मुद्दा दायर भएको थियो। अख्तियारले पूर्व मन्त्री खुमबहादुर खड्का, गोविन्दराज जोशी, जयप्रसाद गुप्ता तथा रवीन्द्रनाथ शर्माविरुद्ध भ्रष्टाचारको मुद्दा चलाएको थियो । विशेष अदालतले मन्त्री खड्का र गुप्तालाई सफाइ दिएको थियो। शर्मा र जोशीविरुद्धको मुद्दा भने हदम्याद नाघेको भन्दै खारेज गरिदिएको थियो । विशेष अदालतको यस्तो फैसलाप्रति सरकारले उनीहरुविरुद्ध सर्वोच्च अदालतमा पुनरावेदन हालेको थियो । जसमध्ये सर्वोच्च
अदालतले पूर्व मन्त्री चिरञ्जीवी वाग्लेले भ्रष्टाचार गरेको ठहर गर्दै सजाय तोकिसकेको छ। गत चैत २ गते मात्र उनलाई डेढ वर्ष कैद, २ करोड ३ लाख रुपियाँ जरिवाना र त्यति नै रकम बिगो जफत गर्ने आदेश सर्वोच्च अदालतले गरेको थियो। उनी अहिले डिल्लीबजारस्थित कारागारमा छन्।