वर्तमान अवस्थामा पनि राष्ट्रिय शक्तिहरूबीच समन्वयको झन् आवश्यकता : पूर्वराजा ज्ञानेन्द्र ( देशवासीको नाममा सन्देश जारी गर्दै )

"प्रजातन्त्रको राजमार्गलाई फराकिलो पार्दै उत्तम प्रतिफलका लागि निषेधकारी राजनीतिक संस्कृतिभन्दा राष्ट्रिय शैलीको आमसमझदारीलाई अवलम्बन गर्नु आवश्यक"

 पूर्वराजा ज्ञानेन्द्रले नेपाल र नेपालीको भाग्य निर्माण गर्ने अभिभारा हामी नेपालीकै हो र राष्ट्रको स्वाधीनता, प्रजातन्त्र जगर्ेना र नेपालीको भविष्य सुनिश्चित गर्नका निमित्त वर्तमान अवस्थामा पनि राष्ट्रिय शक्तिहरूबीच समन्वयको झन् आवश्यकता रहेको उल्लेख गर्नुभएको छ। ६१औं राष्ट्रिय प्रजातन्त्र दिवसका अवसरमा देशवासीको नाममा शुभकामना सन्देश जारी गर्दै उहाँले देशको राजनीतिक परिवेश सुहाउँदो लोकसम्मतिका आधारमा प्रजातन्त्रको राजमार्गलाई फराकिलो पार्दै उत्तम प्रतिफलका लागि निषेधकारी राजनीतिक संस्कृतिभन्दा राष्ट्रिय शैलीको आमसमझदारीलाई अवलम्बन गर्न देशभक्त तथा प्रजातन्त्रनिष्ठ शक्तिहरूबीच सम्मति हुनु उचित हुने जनाउनुभएको छ। शुभकामना सन्देशमा उल्लेख छ- ँराजनीतिक अभ्यास र प्रयोगको शृंखलाबाट अघि र्सर्दै आज हामी इतिहासको नयाँ मोडमा उभिएका छौं। राजनीति एक आदर्श र कला मात्र नभई विज्ञान र व्यवहारको सन्तुलित सम्भार पनि हो। प्रजातान्त्रिक राजनीति एवम् राज्यपद्धति देश र जनताको हितमा सधैं हुनुपर्छ भन्ने विश्वव्यापी
मान्यताअनुरूप नेपालको राष्ट्रिय अस्मिता, स्वाधीनता तथा शान्ति सर्ंवर्द्धन कार्यमा हाम्रो प्रजातान्त्रिक विचार र विवेक पनि सदैव केन्द्रित रहनुपर्दछ।’