गृह मन्त्रालय माओवादी लाई नदिने र सात बुँदे सहमतिको औचित्यमाथि एमाले नेताहरुले प्रश्न उठाएपछि माओवादी असन्तुष्ट

झलनाथ प्रधानमन्त्री भएको एक हप्ता नबित्दै गम्भिर संकटमा ! माओवादी पनि सरकारमा नजाने रे, तीन जना मन्त्री त बने तर बिना बिभागीय, हरे शिव यि कुर्सिका भोकाहरुको नौटँकी ! शान्ती, संबिधान, देश र जनता को कसलाई के मतलब हगी !!??

          माओवादी उपाध्यक्ष डा. बाबुराम भट्टराईले प्रधानमन्त्रीका लागि आफ्नो पार्टीले गरेको त्यागलाई एमालेले कमजोरी ठानेपछि सरकारमा नजाने निर्णय गरेको बताएका छन् । सरकार निर्माण प्रक्रियामा भएका सहमतिको पालना एमालेले नगर्ने भएपछि माओवादी बाध्य भएर झलनाथ नेतृत्वको सरकरकामा सहभागी नहुने निर्णय गर्नुपरेको उनले बताए । गोरखाको मिरकोट माध्यमिक विद्यालयको स्वर्ण महोत्सब समापन समारोहमा बिहीबार बोल्दै भट्टराईले सरकारमा नगएतापनि गुण र दोषको आधारमा बाहिरबाट भने सहयोग गर्ने उल्लेख गरे । एमालेप्रति बढी आक्रमक देखिएका नेता भट्टराईले भने, 'मन्त्रीमण्डलमा सबैलाई मिलाएर लैजाने सहित भएको थियो । तर उसले एक हप्ता सम्म सहमति भएकै बुँदामा निहु खोज्ने काम गर्‍यो ।' पार्टीभित्र फरक मत राखेपनि इमान्दारीपुर्वक भोट हालेर झलनाथलाई

प्रधानमन्त्री बनाएको दावी गर्दै पार्टीको सदासयता र उदारतालाई एमालेले कमजोरी ठानेपछि सरकारमा नजाने निर्णय गरेको भट्टराईको भनाई रहेको छ । झलनाथलाई पटक पटक सहमति भएका बुदाँहरु पालना गरि सरकार अगाडि बढाऔ भन्दा हप्ता दिन बिताईदिएको उनको अरोप थियो । प्रधानमन्त्री खनाललाई कुबिन्डोमो खुट्टो लगाए जस्तो भएको ब्यगं गर्दै भट्टराईले भने, 'अगाडि बढाउन खोज्यो बढ्दै बढ्दैन । समर्थन फिर्ता लिउ आफैले भर्खर बनाएको सरकार । धर्मसंकटमा परियो । जसले गर्दा बिचको बाटो रोज्यौ ।'
एमालेलाई समर्थन गरेर सरकार निर्माण गर्न महत्वपूर्ण भूमिका खेलेको माओवादी सरकारमा सहभागी नहुने भएको छ । मन्त्रालय बाँडफाँट र एमालेसंग भएको सात बुँदे सहमति कार्यान्वयनमा असमझदारी भएपछि माओवादी सरकारमा नजाने निर्णयमा पुगेको हो । यद्यपी सरकारलाई दिएको समर्थन भने यथावत रहने जनाएको छ ।
बिहीबार बिहान प्रधानमन्त्री निवास बालुवाटारमा प्रधानमन्त्री झलनाथ खनाल र माओवादी अध्यक्ष पुष्पकमल दाहाल लगायत दुई दलका शीर्ष नेताबीच भएको वार्तामा कुरा नमिलेपछ माओवादीले सरकारमा जानुको औचित्य नभएको बताएको छ । बैठकपछि माओवादी उपाध्यक्ष नारायणकाजी श्रेष्ठले माओवादी सरकारमा सहभागी नहुने संवाददातहरुलाई बताए ।'सात बुँदे सहमति कार्यान्वयनमा एमालेमाथि गम्भीर आशंका बढेको छ,'श्रेष्ठले भने-'सम्झौताको भावना अनुसार मन्त्रिमण्डल गठनमा पनि उ अडि्एन । यस्तो परिस्थितिमा हामी एमाले नेतृत्वको सरकारमा सहभागी नहुने निर्णयमा पुगेका छौं ।'उनले नयाँ गठबन्धन असफल बनाउन विदेशी चलखेल बढेको बताए । गृह मन्त्रालय माओवादी लाई नदिने र सात बुँदे सहमतिको औचित्यमाथि एमाले नेताहरुले प्रश्न उठाएपछि माओवादी असन्तुष्ट बनेको स्रोतले जनाएको छ ।
गृह लगायत प्रमुख १० मन्त्रालय माओवादीलाई दिने पूर्व सहमति एमालेले फेरेको माओवादीको आरोप छ । दुई दलबीच कुरा नमिलेकै कारण प्रधानमन्त्रीले सपथ लिएको पाँच हुन लाग्दा पनि मन्त्रिपरिषद् गठन हुन सकेको छैन । प्रधानमन्त्री खनालले गत आइतबार सपथ लिएका थिए । माओवादीको समर्थनमा बनेको एमाले अध्यक्ष खनाल नेतृत्वको सरकार माओवादीको पछिल्लो निर्णयले संकटमा परको छ ।
यसैबीच आज एमालेका तीन मन्त्रीले शपथ लिएका छन्। एमालेले यसअघि मन्त्री बनाएका तीन जना भरतमोहन अधिकारी, विष्णु पौडेल र गंगालाल तुलाधरले मन्त्रालयको विभाजन बिना शपथ लिए। मन्त्रालयको नाम नदिएको माओवादीलाई फकाउन रे। तर भने उनीहरुले क्रमशः अर्थ, गृह र शिक्षा कै काम गर्छन् रे।