प्रधानमन्त्री नेपालले सचिवहरूलाई 'राजनीति' नगर्न चेतावनी

* निर्देशन दिएको महिनौं बितिसक्दा पनि पृथ्वी राजमार्गको  मुग्लिफ् पुल पुनर्निर्माण किन हुन सकेन ?  *   अवैध ढंगले खाडी मुलुकमा महिला बालबालिका लैजाने मेनपावरहरु कसरी सम्मानित भए ?  *   वन फ“डानीले हाम्रो प्रतिष्ठामै आ“च आएको छ । ती ठाउ“का जिल्ला वन अधिकृतलाई अहिलेसम्म किन कारबाही भएन ?   *   ट्रक र बस व्यवसायीहरुको जथाभावी सिन्डिकेट किन नियन्त्रण हुन सकेन ? *    काठमाडौंको फोहोरमैला व्यवस्थापनमा कसको स्वार्थ जोडिएको छ ?  कसले अवरोध गरिरहेको छ ?    * राष्ट्रपति र प्रधानमन्त्रीले दिएका निर्देशनसमेत कार्यान्वयन हु“दैनन् भने तपाईंहरुले जनताको सेवा कसरी गर्नुहुन्छ ? यी प्रश्नहरू प्रधानमन्त्री माधवकुमार नेपालले आफ्नै मातहतमा रहेका नेपाल सरकारका सचिवहरूसँग राखेका हुन् । अर्थ मन्त्रालयका राजस्व-सचिव कृष्णहरि बाँस्कोटाद्वारा लिखित 'समसामयिक प्रशासन' नामक पुस्तकको आइतबार विमोचन गर्दै उनले सचिवहरूसमक्ष यस्ता दर्जनौं प्रश्न राखी चर्काे असन्तुष्टि पोखे । ...

राष्ट्रपति र आफ्ना निर्देशनसमेत कार्यान्वयन नगरेकोमा असन्तुष्ट प्रधानमन्त्री नेपालले सचिवहरूलाई 'राजनीति' नगर्न चेतावनीसमेत दिए । राजनीति गर्ने भए पदबाट राजीनामा दिएर आउन पनि उनले सुझाव दिए । 'प्रशासनिक पदमा बस्नेहरूले राजनीतिक प्रवृत्ति देखाउनु भएन, आ-आफ्नो दायराभित्र बसेर काम गर्नोस्, सिस्टमभित्र बसेर काम गर्नोस्, सक्नुहुन्न भने पदबाट राजीनामा दिएर राजनीति गर्नोस्,' प्रधानमन्त्री नेपालले आक्रोशित हुँदै भने ।
सचिवहरूको नामै लिई प्रधानमन्त्री नेपालले आफ्नो असन्तुष्टि प्रकट गरेका थिए । भौतिक, योजना तथा निर्माण मन्त्रालयका सचिव पर्ूण्ाप्रसाद कडरियालाई प्रधानमन्त्री नेपालले सोधे, 'पृथ्वी राजमार्गको मुग्लिङ पुल पुनर्निर्माणका लागि मैले पटक-पटक निर्देशन दिएको थिएँ, मुख्य सचिव र राष्ट्रिय योजना आयोगका उपाध्यक्षसमेतले भ्रमण गरी यस विषयमा चासो प्रकट गरेका थिए ।
'म त पुल बनिसक्यो भन्ने विश्वासमा थिएँ, तर पुलको त पुनर्निर्माणसमेत भएको रहेनछ, किन -' जवाफमा सचिव कडरियाले भने, 'मुग्लिङ पुल धेरै पुरानो हो, पुरानो भएकाले पुनर्निर्माण गरे पनि पटक-पटक भत्किने गरेको छ ।'
प्रधानमन्त्री नेपालले अवैधानिक ढंगले खाडी मुलुकमा महिला कामदार पठाउने मेनपावर सञ्चालकहरू पुरस्कृत भएकोमा पनि असन्तुष्टि प्रकट गरेका थिए । उनले श्रम सचिव दिनेश अधिकारीलाई सोधे, 'दण्डित गनुपर्ने मेनपावर कम्पनीलाई पुरस्कृत गर्नुको कारण के हो -'
श्रमसचिव अधिकारीले यस विषयमा आफूलाई जानकारी नभएको जवाफ दिएका थिए । कारबाही गर्नुपर्ने मेनपावर कम्पनीलाई पुरस्कृत गरिएको विषयमा विदेशी दूतावासहरूले प्रधानमन्त्री नेपालसँग यसअघि चासो व्यक्त गरेका थिए ।
प्रधानमन्त्री नेपालले देशभर वन फँडानी, अवैध ढुंगा-गिटी निकासी गर्नेलाई तुरुन्त कारबाही गर्न पनि वनसचिव युवराज भुसाललाई निर्देशन दिए ।
'वन फँडानीले हाम्रो प्रतिष्ठामै आँच आएको छ, वन फँडानी अहिलेसम्मकै बढी भएको पनि प्रचारमा आएको छ, तर वन मन्त्रालय भने होइन भन्छ । वास्तविकता के हो - तुरुन्त मलाई जानकारी गराउनोस्,' भुसाललाई प्रधानमन्त्री नेपालको निर्देशन थियो ।
राष्ट्रपति डा. रामवरण यादवले यसअघि प्रधानमन्त्रीसँगको भेटमा तर्राईमा बढ्दै गरेको वन फँडानीका घटनाप्रति चासो देखाउँदै नियन्त्रणका लागि पहल गर्न निर्देशन दिएका थिए । सो अवसरमा प्रधानमन्त्री नेपालले अनावश्यक सामान खरिद गर्ने शैलीप्रति पनि सचिवहरूसँग असन्तुष्टि पोखेका थिए । '१० हजारको सामान किन्नु छ भने १० करोडको सामान किनेर डम्पिङ गरिएको देखिएको छ, यस्तो नगर्नोस्,' प्रधानमन्त्री नेपालको निर्देशन थियो ।
प्रधानमन्त्री नेपालले काठमाडौंको प्रत्येक वडाका खाली ठाउँ सुन्दर र हरियाली बनाउन, फोहोरमैला व्यवस्थापनमा देखिएको बाधा हटाउन काठमाडौं महानगरपालिकाका प्रमुख कार्यकारी अधिृकत आनन्द पोखरेललाई निर्देशन दिएका थिए । उनले राष्ट्रपति र प्रधानमन्त्रीनिवास वरपर २०औं तला अग्लो भवन निर्माण हुने गरेकोप्रति पनि पोखरेलको ध्यानाकर्षा गराएका थिए । उनले कामप्रति अवरोध पुर्‍याउने र असहयोग गर्नेलाई कडा कारबाही गर्न पनि पोखरेललाई भनेका थिए ।
सो कार्यक्रममा प्रधानमन्त्री नेपालले सुरु भइसकेका ठूलो योजना समयभित्रै सम्पन्न गराउन पनि निर्देशन दिए । 'बरु १० ओटा योजनामा हात हाल्नोस्, हात हालिसकेको काम समयमै सक्नोस्,' प्रधानमन्त्री नेपालको निर्देशन थियो ।