नेपालको यो कन्त बिजोग हेर्नुस् त : मुलुकभर भएका अपराधमा संलग्न १२ हजार अपराधि फरार

मुलुकभर भएका अपराधमा संलग्न रही फरार भएका १२ हजार अपराधिको सूची तयार पारी प्रहरीले उनीहरुको खोजी कार्यलाई तीव्र बनाएको छ। विभिन्न अदालतले पक्राउ पूर्जी जारी गरेका उनीहरुको बारेमा महानगरीय अपराध महाशाखाले अदालतले जन्मकैद फैसला गरेकोदेखि माना-चामल भराउनेसम्मका अपराधमा संलग्न रहेका अपराधिहरुलाई पक्राउ गर्न देशका ५९ जिल्ला प्रहरी कार्यालयमा उनीहरुको हुलिया पठाइएको जानकारी महाशाखा प्रमुख प्रहरी वरिष्ठ उपरीक्षक रणबहादुर चन्दले जानकारी दिनुभयो। झण्डै ४० वर्षअघि भएका अपराधमा संलग्न रहेर फरार रहेका अदालतले दोषी ठहर्याएका अपराधिहरुको बारेमा ती ५९ जिल्ला प्रहरी कार्यालयमा हुलिया पठाइएकोले अपराध गरेर फरार रहेका अपराधिहरु पक्राउ पर्ने दाबी उहाँले गर्नुभयो। महाशाखाले तयार पारेको सूचीमध्ये ६ सय २५ जना प्रहरीको अति खोजीको सूचीमा रहेका अपराधि रहेको उहाँले जानकारी दिनु भयो।