कोइरालाको अवस्था कमजोर हुदै गएको छ

माधवकुमार नेपालसहित मन्त्रिपरिषद्का सदस्यहरु मण्डिखाटारस्थित निवास पुगी काँग्रेस सभापति गिरिजाप्रसाद कोइरालाको स्वास्थ्यस्थिति बारेमा जानकारी लिएका छन् । कोइरालाको स्वास्थ्यस्थित शुक्रबारदेखि पुनः बिगि्रएको छ । उनीहरु प्रधानमन्त्री कार्यालयमा मन्त्रिपरिषद्को बैठक सकेपछि सिधै कोइराला निवास पुगेका हुन् । कांग्रेस सभापति गिरिजाप्रसाद कोइरालाको स्वास्थमा पुनःसमस्या देखिएको छ । छात्तीमा समस्या बढेपछि बिहीबार चिकित्सकहरुले कोइरालाको स्वास्थ परिक्षण गरेका थिए । कांग्रेस केन्द्रीय सदस्य कृष्णप्रसाद सिटौलाका अनुसार कोइरालाको अवस्था कमजोर हुदै गएको छ । अस्पतालमा हुने सुविधा घरमै भएकाले उनलाई अस्पताल भने नलैजाने सिटौलाले बताए ।