उनीहरूले माओवादीलाई जंगलबाट ल्याएको नभई संसद्वादीहरूलाई माओवादीले शान्तिप्रक्रियामा ल्याएको र गणतन्त्र माओवादीको आफ्नो उपलब्धि भएको प्रचण्डको दाबी थियो। सुगौली सन्धिदेखि देश अर्ध-उपनिवेशमा रहेको विश्लेषण गर्दै प्रचण्डले सीमा अतिक्रमण, असमान सन्धि, व्यापार असन्तुलन र सांस्कृतिक हस्तक्षेप भारतीय हेपाहा प्रवृत्तिको नमुना भएको टिप्पणी गर्नुभयो।
उहाँले भर्खरै भएको भारतीय विदेशमन्त्रीसँगको भेटमा भारत, नेपाल र चीनबीच नयाँ सम्झौता हुनुपर्ने कुरा राखेको बताउँदै माओवादीले उठाएको राष्ट्रिय स्वाधीनताको मुद्दामा एकजुट हुन सबैसँग आग्रह गर्नुभयो। उहाँले नेपाली सेना र प्रहरीप्रति लक्षित गर्दै राष्ट्रघातीहरूको आदेश मान्ने कि राष्ट्रवादीको पक्षमा लाग्ने निर्णय गर्नुपर्ने बेला आएको बताउनुभयो। माओवादीविरुद्ध नेपाली सेनालाई उक्साउने भारतीय विस्तारवादी र नेपाली शासकहरूको भाषा एउटै भएको आरोप लगाउँदै प्रचण्डले राष्ट्रिय स्वाधीनता र नागरिक सर्वोच्चता कायम नभए ठूलो दुर्घटना हुने चेतावनी दिनुभयो।
आफ्नो सम्बोधनमा एमालेप्रति बढी आक्रामक देखिनुभएका प्रचण्डले एमालेको बहुदलीय जनवाद र माओवादीको एक्काइसौं शताब्दीको जनवादको तुलना गर्दै माओवादी अग्रगमन र परिवर्तनको पक्षमा रहेको र एमाले विर्सजनवादमा पतन भएको आरोप लगाउनुभयो।
aba ten years ladna vaneko ajhae janata marne ho kyaho prachanda ji.marnus ajhae hajarau janata.janata lae bali dina janmeko rahechas aafno chora chori ko secure chadae cha janata ta ho ni takne.mar ajhae mar goli gattha timi haru sanga cha.j gare pani vaego ni,,,,,,,,,,,,,,,
ReplyDelete