माओवादी सुविधाभोगी भएका र पजेरो जङ्गलमा नगुड्ने भएकाले माओवादी फेरि जङ्गल जाने कुरा असम्भव
नेकपा एमालेका वरिष्ठ नेता केपी शर्मा ओलीले माओवादी लडाकुलाई राष्ट्रिय सेना बनाउन नसकिने बताएका छन्। प्रेस चौतारी नेपाल काभ्रेले सोमबार धुलिखेलमा आयोजना गरेको पत्रकार भेटघाट कार्यक्रममा नेता ओलीले माओवादी लडाकुलाई राष्ट्रिय सेना बनाउने र नेपाली सेनामा गाभ्ने कुरा मुर्खतापूर्ण भएको दाबी गरे। उनले माओवादी लडाकुलाई सेनामा गाभेर राष्ट्रिय सेना बनाउने कुरा असम्भव भएको बताउँदै उनीहरुका क्षमता र योग्यताअनुसार समायोजन र व्यवस्थापनमात्र गर्नसकिने तर्क अघि सारे। नेता ओलीले विगतमा माओवादीले जनयुद्ध गरेको नभई जनता हत्या गर्ने काम गरेको र अहिले पनि ६२ वटा सशस्त्र समूह रहेकाले सबै सशस्त्र समूहका लडाकुलाई राष्ट्रिय सेना बनाउने भन्ने कुरा असम्भव रहेको स्पष्ट पारे।
रक्षामन्त्री हतियार लिन भारत गएको भन्ने निहुँमा माओवादीले संसद अवरुद्ध गरेकोप्रति लक्षित गर्दै उनलॆ माओवादीको व्यवहार पहिले आफ्नो कान नछामी कागले कान लग्यो भनेर कागतिर दगुरेको उखानसँग मिल्दोजुल्दो भएको टिप्पणी गरे। नेता ओलीले माओवादीको उद्देश्य सत्ताकब्जा नै हो भन्दै त्यो कुनै पनि हालतमा सफल नहुने बताए। माओवादी सुविधाभोगी भएका र पजेरो जङ्गलमा नगुड्ने भएकाले माओवादी फेरि जङ्गल जाने कुरा असम्भव भएको नेता ओलीको दाबी थियो। सरकारले माओवादीले सिफारिस गरेका सहिदका नाममा दिएको रकम रोकेकोबारे पत्रकारद्वारा सोधिएको प्रश्नको जवाफमा उनले माओवादीले हचुवाका भरमा सहिदको नामावली पेस गरी रकम लिएकाले सो नामावली खारेज गर्नुपर्ने धारणा पनि व्यक्त गरे।
*अमेरिकाबाट प्रकाशित, अमेरिका र संसारभर रहेका नेपाली समुदायमा समर्पित, स्वतन्त्र, नाफा नकमाउने र १७५ देशमा पढिने डिजिटल पत्रिका
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक