![](https://blogger.googleusercontent.com/img/b/R29vZ2xl/AVvXsEj8lnLtzt39NpKzjZHEDWlpAN7za45B1qvQTUpXCcxIsLc9oOarrLhiNHRXdcMdfnvj_tmW3o2-7yOrNvoBV7nVDUXT53zqscrQvGW_xpzGnYsnskiU0_3VEnwWqEJ7Ge0dUNdFLYnOof2Y/s400/feb_12_09_pla2_b.jpg)
सारडाको अपहरणमा साङला गाविस―७ निवासी माओवादीका काठमाडौं जिल्ला सदस्य तथा वाईसीएल क्षेत्रीय इन्चार्ज दीपेन्द्र तिमल्सिना पक्राउ परेका छन्। सारडाको अपरण गरी फिरौती माग्नेमा उनको प्रमुख हात रहेको प्रहरीले जनाएको छ। महानगरीय प्रहरी अपराध महाशाखाका अनुसार माओवादी नेता तिमल्सिनाले अपहरणका लागि गाडीको व्यवस्था गर्ने तथा बन्दक बनाउने ठाउँको योजना बनाएका थिए। आठ दिनसम्म बन्धक बनाएर चरम यातना दिएपछि व्यवसायी सारडालाई १४ लाख फिरौती लिएर छोडिएको थियो। अपहरण गरिएका सारडालाई तिमल्सिनाकै साङला गाविसस्थित कुखुरा पालन गर्ने घरमा बन्धक बनाइराखेको महाशाखाका प्रमुख वीरेन्द्रवावु श्रेष्ठले बताए। अपहरणमा प्रयोग भएको पेस्तोल लगायतका हातहतियार पनि तिमिल्सनाले नै बन्दोबस्त गरेका थिए। यो घटनाबाट माओवादी कार्यकर्ताहरु हतियार बोकेर खुलेआम हिंड्ने गरेको अर्को तथ्य पनि उजागर भएको छ। आइतबार पत्रकार सम्मेलन गरी प्रहरीले तिमल्सिनालगायत छ जना अपहरणकारीलाई सार्वजनिक गरेको थियो। तिमल्सिना पक्राउ परेपछि माओवादी नेताहरुले उनलाई छाड्न दबाब दिएका छन। तिमल्सिनाले विगतमा पनि वाईसीएलको नाममा व्यापारीसंग चन्दा मागेर आंतक श्रृजना गर्ने र दुःख दिने गरेको स्रोत बताउँछ।
निजी चालक नै अपहरणकारी
व्यवसायी सारडाकोमा वर्षाैदेखि निजी चालकका रुपमा काम गर्दै आएका कुमार राई पनि उनको अपहरणमा संलग्न थिए। उनले सारडाको आनीबानिदेखि उनको घरको बारेमा सम्पूर्ण जानकारी उपलब्ध गराएका थिए। राईको सहयोगमा व्यवसायी सारडा दिउँसै अपहरणमा परेका थिए।
उता यस अपहरणका मुख्य योजनाकारहरुमा विगतमा विभिन्न अभियोगमा जेल परेका र हाल पनि जेल जीवन बिताइरहेकाहरु समेत रहेका छन्। दावा दार्जे भनिने सुनसरी घर भएका हेम बहादुर लामा पहिले भाटभटेनीमा चोरी गरेको अभियोगमा २ वर्ष जेल परेका थिए। अर्का योजनाकार दाङका निरञ्जन खनाल कान्तिपथस्थित नबिल बंैकमा डकैतीको अभियोगमा पक्राउ परि केही महिना अगाडि मात्र रिहा भएका थिए। आगूऔषध मुद्दामा केन्द्रीय जेलमा बन्दी जीवन बिताइरहेका अमर टन्डन र राजेश अग्रवालको समेत यो अपहरणको योजनामा संलग्नता रहेको महाशाखाकाका प्रहरी उपरीक्षक शेरबहादुर बस्नेतले जनाएका छन्। प्रहरीले पक्राउ गरेका अर्का अपहरणकारीमा काभ्रे घर भएका ट्याक्सी चालक बत्तीबहादुर लामा रहेका छन्।
उता एकपछि अर्काे गरेर राजधानीमा अपहरणका घटना बढ्न थालेपछि राजधानीवासीमा त्रास बढेको छ। कालिमाटीको जेसीआरसी कलेजमा १२ कक्षामा अध्ययनरत छात्रा ख्याति श्रेष्ठको अपहरणको १६ दिनपछि बिभत्स हत्या भएपछि राजधानी झन् असुरक्षित रहेको देखिएको छ। घटनाको विरोधमा हिजो सोमबार कालिमाटीलगायतका स्थानहरु बन्द भयो। अपहरणमा छात्राकै एक आफन्तको हात रहेको पाइएको छ। यसरी राजधानी काठमाडौंमा दिनप्रतिदिन असुरक्षा बढ्दै गएको भए पनि प्रहरी प्रशासनले सुरक्षामा सुधार गर्न सकेको छैन। - दृष्टि
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक