शनिबार, आईतवार: कबिता, गजल, गीतपनि

जबर्जस्ति आर्यघाटमा बोकिँदैछ देशलाई...
-नेपोलियन मरहट्टा-

भाग लगाई तराजुमा जोखिँदै छ देशलाई
लिलामीमा मुल्यहरु तोकिँदै छ देशलाई ।
नेता स्वार्थी भएपछी झोलुंगो झैं हुँदो रैछ,
हल्लाएर उत्तर-दक्षिण ठोकिँदै छ देशलाई ।

आज सम्म जति आए, सबै दुष्ट नेता आए,
खानु खाए नखाएको पोखिँदै छ देशलाई ।
जनताले पालेका ति ब्वाँसोहरु बहुलाएर,
भारत र चिनबाट टोकिँदै छ देशलाई ।
श्वास छदैँ एकोहोरो शंखहरु बजाएर,
जबर्जस्ति आर्यघाटमा बोकिँदै छ देशलाई ।