तराईको जनजीवन तनावपूर्ण, गाडी, बजार, शिक्षण संस्था, कलकारखाना बन्द, विभिन्न क्षेत्रमा कर्फ्यु, भोकमरी शुरु

BREAKING NEWS.....

आज पनि तराईका जनजीवन तनावपूर्ण थारु समूदायको बन्दका कारण तराईको जनजीवन तनाव पूर्ण छ । गाडी, बजार, शिक्षण संस्था, कलकारखाना बन्द छन् । ठाउा-ठाउामा थरुहट कार्यकर्ता लाठी बोकेर विहानैदेखि प्रदर्शनमा उत्रेका छन् । प्रश्ाासनले रातिदेखि कफूर्यू हटाएपछि चितवनमा पनि उनीहरुले प्रदर्शन गरिरहेका छन् । जनजीवन कष्टकर बनेपनि थारु समूदायले रातभर र विहानै देखि तराईका विभिन्न क्षेत्रमा प्रदर्शन र तोडफोड गरेका छन् । प्रदर्शनपछि नारायणघाटको जनजीवन ठप्प छ । नारायणघाट बजार बन्द छ । बन्दले गर्दा मजदुरी गरेर खानेहरुलाई निकै सास्ती भएको छ । बन्दका कारण तराईमा मात्र नभएर पहाडी जिल्लाको जनजीवन पनि प्रभावित हुन थालेको छ । गाडी नचल्दा पहाडी क्षेत्रमा खाद्यान्न लगायत अत्यावश्यक बस्तुको अभाव हुन थालेको छ । दैनिक उपभोग्य सामानको भाउ बढेको छ । थारु समूदायको तराई बन्दका कारण गाडी नचल्दा खाद्यान्न ढुवानी हुन नसकेर सुदुर पश्चिमको पहाडी जिल्ला डोटीका विकट गाउाहरुमा भोकमरी शुरु भएको सहकर्मी विमल विष्टले जनाएका छ । ग्रामीण क्षेत्रमा भोकमरी लागेपछि त्यहााका स्थानीय बासिन्दा सिस्नु र आलु खाएर बसिरहेको कानाचौरका लाल कामीले बताउनुभयो । गाउामा भोकमरी शुरु भएपछि स्थानीय बासिन्दा दुइ/तीन दिनको पैदल खाद्यान्नको खोजीमा गैरहेका छन् । छिटै बन्द फिर्ता नभए ग्रामीण क्षेत्रमा मात्र नभई दरमुकाममा समेत भोकमरी लाग्ने ब्यवसायीहरुको भनाई छ । व्यवसायीका अनुसार गोदाममा चार/पााच दिनका लागि मात्र पूग्ने चामल छ । यसैबीच बन्द अवज्ञा गरेको भन्दै थरुहटका कार्यकर्ताले गएराति दाङको लमहीमा दुई वटा मोटरसाइकलमा आगजनी गरेका छन । थरुहट कार्यकर्ताले लु १ प ५९७५ र रा १ प ३३८८ नम्वरको मोटरसाइकलमा आगजनी गरेको जिल्ला प्रहरी कार्याल्ाय दाङले जनाएको छ । बन्दकर्ताले मोटरसाइकलमा सवार दुइ जनालाई निर्घात कुटपीट पनि गरेका छन । उनीहरुले लमहीस्थित कृषि सामग्री संस्थानमा आगजनी गरी २ सय भन्दा बढी बोरा रासायनिक मल नष्ट गरिदिएका छन् । त्यसैगरी बिरामी बोकेको रा १ ज २८५ नम्वरको जीप पनि नारायणपुरमा तोडफोड गरेको प्रहरीले जनाएको छ । पुर्बपश्चिम राजमार्ग अन्तर्गत नवलपरासीको तिकलपुर- १ तुलसीनगरमा बा. १. झ. ८१०५ नम्बरको टोयटा जीप र रजहरमा ना. १. ख. ८५८६ नम्बरको बस र बा. १. झ. ८१०५ नम्बरको एम्बुलेन्समा पनि उनीहरुले तोडफोड गरेका छन् । यसैबीच दाङको भालुुबाङमा अलपत्र परेका गाडी राजमार्गमा कर्फयू लगाएर गन्तब्य तर्फ पठाइएको छ । राति ११ बजेदेखि बिहान ५ बजेसम्म राजमार्ग क्षेत्रमा कर्फयू लगाएर स्कर्टिङ गरी करिव २ सय सवारी साधनका तीन हजार भन्दा बढी यात्रुलाई गन्तब्य तर्फ पठाइएको जिल्ला प्रहरी कार्यालय दाङले जनाएको छ । नेपालगञ्जबाट दाङ पुगेको मानवअधिकारीबादीहरुको टोली, स्थानीय प्रशासन र बन्दकर्ताहरुबीच हिजो बेलुका लमहीमा भएको बार्ता विफल भएपछि कर्फयु लगायर गाडी गन्तब्य तर्फ पठाउनु परेको दाङका प्रहरी प्रमुख टिकाराम सेजवालले जानकारी दिनु भयो ।
सरकार र थारु समूदायबीच समस्या समाधानका लागि बिहान ११ बजे हुने भनिएको वार्ता स्थगित भएको छ । शान्ति मन्त्रालयले औपचारिक रुपमा पत्र लेखेपछि हुने भनिएको वार्ता थरुहट संर्घष समितिले गृहमन्त्री वामदेव गौतमले प्रहरीलाई बल प्रयोग गर्न निर्देशन दिएको भन्दै वार्तामा नबस्ने अडान राखेपछि वार्ता हुन नसकेको हो । थ्ारुहट राज्य परिषद्का संयोजक ल्ाक्ष्मण थारुले प्रधानमन्त्री पुष्पकमल दाहाल प्रचण्डले सम्बोधन नगरेसम्म वार्ता हुन नसक्ने बताउनु भयो
नेकपा एमालेका महासचिव ईश्वर पोखरेलले थारु समूदायसाग क्षमायाचना गरी गल्ती सच्याउन सरकारसाग आग्रह गर्नुभएको छ । उज्यालोसाग कुरा गर्दै महासचिव पोखरेलले थारुलाई मधेशी भनिनु गलत भएकोले सरकारले छिटो गल्ती सच्याउनु पर्ने बताउनुभयो । थारु समूदायको जातीय पहिचान नै मेट्ने गरी अध्यादेशमा गरिएको व्यवस्था तत्काल हटाउन महासचिव पोखरेलले माग गर्नुभयो ।