३२ मिनेट लामो सम्वोधनमा प्रम दाहालले कुनै नयाँ प्रतिवद्धता जनाएनन् !!!

३२ मिनेट लामो सम्वोधनमा प्रम दाहालले माथिल्लो तामाकोशी जलविद्युत योजना नेपालीको मात्रै लगानी तथा श्रमबाट सम्पन्न गरिने उल्लेख गरे । उनले विदेशी सहयोगले परनिर्भरता बढाएको भन्दै अब सानातिना कुरामा विदेशी सहयोग नलिने घोषणा गरे । बन्द, हड्ताल जस्ता विरोध कार्यक्रमको अन्त्य गर्दै दण्डहिनता रोक्न साहसपूर्वक कदम चालिने प्रधानमन्त्रीको भनाई थियो । संवोधनको क्रममा प्रम दाहालले सरकारी कार्यालयमा हुने ढिला सुस्ती गर्ने तथा घुस लिने कर्मचारी विरुद्ध कडा कारवाही गरिने उल्लेख गरे । उनले प्रत्येक सरकारी कार्यालयमा के कारणले काम हुन नसकेको हो भन्ने लिखित जानकारी सेवाग्रहीलाई दिनु पर्ने व्यवस्था गरिने बताए ।
दलित समुदायमाथि भईरहेको छुवाछुत रोक्न आवश्यक परे संशोधन गरेर भएपनि कडा कानुन ल्याइने उल्लेख गरे । दलित विद्यार्थीहरुको निम्ति सहिद दिलबहादुर छन्त्यालको नाममा दलित शैक्षिक छात्रावृत्ति कोष स्थापना गरिएको जानकारी दिए ।
सिंहदरबारस्थित प्रधानमन्त्री कार्यालयबाट गरिएको संवोधनमा प्रधानमन्त्रीले मन्त्री परिषदका सदस्यहरुको सहयोगमा मन्त्रीहरुलाई नातावाद र विलासी हुन नदिने प्रतिबद्धता जनाए । प्रधानमन्त्रीले आफूसँग सरकार सञ्चालनको पाँच महिना लामो कटु अनुभव भएको भन्दै नयाँ नेपाल निर्माणको लागि संविधानसभामा भएका सबैदलवीच सहकार्य आवश्यक भएको उल्लेख गरेका थिए ।
सरकार सम्हालेको पाँच महिनासम्म उल्लेख्य केही गर्न नसकेको आक्रोशमिस्रित स्वरमा आएको सम्बोधनमा प्रधानमन्त्रि दाहालले कुनै नयाँ प्रतिवद्धता जनाएनन् । उनले तिनै कुराहरु दोहोर्‍याए, जुन यो सरकारको नीति तथा कार्यक्रम, बजेट तथा हिजोका सरकारबाट पटक पटक घोषणा गरिएका थिए । आक्रोश मिस्रित स्वरमा उनले तिनै पुराना कुराहरुमा प्रतिबद्धता जनाए, जुन चुस्त प्रशासन संयत्रको अभावमा सम्पन्न हुन सकेका थिएनन् । गम्भिर मुद्रामा प्रम दाहाल 'आफूले केही गर्न नसकेको बुझिदिनकालागी' आग्रह गर्दै रहेको उनको 'बडि ल्यांग्वेज' बाट प्रष्टै बुझिन्थ्यो ।


अमेरिकामा संबिधानबिद डा. भिमार्जुन आचार्यले नेपालको बन्दैगरेको संबिधानका बारेमा समबेदनशिल कुरा बोल्नु भएकोछ भिडियोमा हेर्नुश ........

Dr. Acharya from Ramhari Subedi on Vimeo. video by Ramhari Subedi/dcnepal