रोइ कराइ गरेपनी प्रचन्ड को सुनुवाई अझै भएन अमेरिकामा..

जती हल्ला गरे पनि प्रचन्ड को प्रस्तुती फितल्लो नै देखियो र अन्य राष्ट्र प्रमुख तथा सरकार प्रमुख ले पनि तेती महत्व दिएको पाइएन प्रचन्ड लाई संयुक्त राष्ट्र संघ मा। बुश् ले ५ मिनेट भेट्दा संसार जितेजत्तिकै गरेका प्रचन्डको भाउ भने छोइनस्क्नु छ अमेरिकामा । आतंककारी सुची बाट हटाइदिन रोइ कराइ गरेपनी प्रचन्ड को सुनुवाई अझै भएको छैन यहाँ । संयुक्त राष्ट्रसङ्घको ६३ औ महासभामा प्रधानमन्त्री पुष्पकमल दाहालले आˆनो मन्तव्यमा भन्नुभएको छ- म यहा विश्वका नेताहरूको अघि उभिरहेका बेला म र मेरो दलले आमनागरिकलाई तत्कालीन राजनीतिक व्यवस्थाको युगीन दमन, उत्पीडन, उपेक्षा र अपहेलनाबाट मुक्त गर्ने एउटै मात्र लक्ष्य राखेर गरेको सङ्घर्षको स्मरण गर्न चाहन्छु ।
उहाले अगाडि भन्नुभएको छ- मेरो देशका महिला तथा पुरुषहरू हिमाल तथा उपत्यका, तराई तथा सहरी क्षेत्रमा दिनरात काम गरिरहेका छन् तर पनि उनीहरू अझै जीवनका सामान्य आवश्यकताहरू समेत पूरा गर्नसक्ने अवस्थामा छैनन् ।
आज मैलै सुदूरपश्चिमका दलित युवा, पूर्वी भेगमा थिचोमिचोमा परेका जनजाति महिला, घरबारविहीन थारू युवती र भूमिहीन मधेसी र पहाडी भेगका झुपडीमा बस्ने अन्य किसानको आाखामा विशाल आशा झल्किरहेको देखिरहेको छु- प्रधानमन्त्रीले विश्वका नेतासामु आˆनो मन्तव्यमा नेपालका वास्तविक चित्रलाई शब्दमा उतार्नु भएको छ । त्यस्तै प्रधानमन्त्री 'प्रचण्ड'ले गरिबीको समुद्र बीचमा रहेको सम्पन्नताको टापु कहिले पनि दिगो नहुने र यसले आपसी द्वोष बढ्ने तथा द्वन्द्वलाई बल पुग्ने हुदा त्यसबाट दीर्घकालीन रूपमा विकसित राष्ट्रको प्रगति कमजोर हुने बताउनुभएको छ ।
नेपालको शान्ति प्रक्रियाको बारेमा चर्चा गर्दै प्रधानमन्त्रीले नेपालको शान्ति प्रक्रिया आˆनै सिर्जनात्मकता भएको उल्लेख गर्नुभयो र यो विश्वका अन्य भागमा नमुना बन्नसक्ने विश्वास व्यक्त गर्नुभयो ।
ऐतिहासिक राजनीतिक रूपान्तरणपछि सामाजिक-आर्थिक रूपान्तरण नै कार्यसूची रहेको उल्लेख गर्दै प्रधानमन्त्री प्रचण्डले नेपाली जनताले लामो समयदेखि प्रतीक्षा गरिरहेको सामाजिक-आर्थिक रूपान्तरणका लागि सरकारले अन्तर्राष्ट्रिय समुदायसाग प्रभावकारी साझेदारी निर्माण गर्ने बताउनुभयो ।
प्रधानमन्त्रीले अल्पविकसित राष्ट्रहरूको फरक प्रकृतिका कारण उनीहरूमा जोखिम उच्च हुने उल्लेख गर्दै राष्ट्रसङ्घले ती मुलुकका समस्यालाई अलग्गै हेर्नुपर्ने र उनीहरूका लागि विशेष कार्यक्रम ल्याउनुपर्ने पनि सो सम्बोधनमा व्यक्त गर्नुभएको छ ।
नेपाल अल्पविकसित मुलुक मात्र नभएर भू-परिवेष्टित मुलुक पनि भएकाले विकासको चाहना परिपूर्ति गर्ने क्रममा दोहरो अप्ठ्यारोको सामना गरिरहनुपरेको पनि प्रधानमन्त्री प्रचण्डले उल्लेख गर्नुभएको छ ।
यस्तै विकसित मुलुकहरूलाई उनीहरूले वाचा गरेका आˆनो गार्हस्थ उत्पादनको केही प्रतिशत अल्पविकसित मुलुकका लागि छुट्याउन र त्यो रकमलाई व्यापारमा सहुलियत प्रदान गर्न, ऋणमोचन तथा अन्य क्षमता अभिवृद्धिको कार्यक्रममा लगानी गर्न पनि आग्रह गर्नुभएको छ ।
साथै प्रधानमन्त्री प्रचण्डले मन्तव्यमा भन्नुभएको छ- हाम्रोतर्फबाट नेपालले विगतमा गरेको प्रतिबद्धताअनुसार नै गरिबी निवारण र गरिबमुखी सुशासनका नीतिलगायतका विकासका कार्यक्रमहरू पूरा गर्ने कुरामा प्रतिबद्धता व्यक्त गर्न चाहन्छु ।
विश्वमा अहिले देखिएको जलवायु परिवर्तनबाट नेपाल पनि प्रभावित भएको र यहाा रहेका हिमाली शृफ्लालाई संरक्षण गर्नु आवश्यक भएको उल्लेख गर्दै प्रधानमन्त्रीले नेपालको पर्यावरण संरक्षणका लागि सहयोग गर्न सबैसाग आग्रह गर्नुभएको छ ।
उहाले नेपालमा नवीकरणीय तथा स्वच्छ ऊर्जाका रूपमा जलविद्युत्को प्रशस्त सम्भावना रहेको र त्यसका लागि जलविद्युत् परियोजनामा लगानी गर्न प्रोत्साहित तथा आमन्त्रण गर्न नेपाल तयार रहेको बताउनुभयो ।
प्रधानमन्त्री प्रचण्डले नेपाल एउटा प्रजातान्त्रिक मुलुक भएकाले कुनै पनि परिस्थितिमा आˆना नागरिकहरूको मानवअधिकारको संरक्षण र प्रवर्द्धनका लागि प्रतिबद्ध रहेको बताउादै भन्नुभएको छ- सरकार दण्डहीनताको वातावरण अन्त्य गर्न प्रतिबद्ध छ ।
प्रधानमन्त्री प्रचण्डले अन्तर्राष्ट्रिय शान्तिसुरक्षालाई प्रभावकारी बनाउन अहिले देखिएका थुप्रै चुनौतीको समाधान गर्न राष्ट्रसङ्घ आफैमा सुधार र यसको प्रजातान्त्रीकरण गर्नु आवश्यक रहेको पनि आˆनो मन्तव्यमा व्यक्त गर्नुभएको छ ।
राष्ट्रसङ्घको विश्व शान्ति कायम गर्ने सबै प्रयासमा नेपालले साथ दिने प्रतिबद्धता दोहोर्‍याउादै प्रधानमन्त्री प्रचण्डले भन्नुभयो- नेपाल आफै तरबारलाई कसरी एउटा हलोको फालीमा परिणत गर्न सकिन्छ भन्ने कुराको उदाहरण बनेको छ ।
प्रधानमन्त्रीले नेपालले राष्ट्रसङ्घीय शान्ति स्थापना कार्यमा शान्ति सेना पठाएर सहयोग गरेको स्मरण गर्दै नेपाली शान्ति सेनाले देश तथा विदेशमा देखाएको व्यावसायिक दक्षताबाट आफू गौरवान्वित भएको र शान्तिसेना पठाउने कार्यलाई निरन्तरता दिने पनि जनाउनुभएको छ ।
त्यस्तै नेपाल विश्व व्यापार सङ्गठनको सदस्य भइसकेको स्मरण गर्दै अल्पविकसित मुलुकहरूले सबै मुलुकबाट सबैखाले व्यापारजन्य उत्पादनको भन्सार तथा कोटामुक्त बजार पाउनुपर्ने कुरा पनि आˆनो मन्तव्यमा व्यक्त गर्नुभएको छ ।
उहााले नेपाल शान्ति प्रक्रियाबाट अघि बढिरहेका बेला विश्व खाद्य सङ्कट तथा खनिज तेलको मूल्यमा भएको वृद्धि र जलवायु परिवर्तनको खतराले पनि गाज्न पुगेको मन्तव्यमा उल्लेख गर्नुभएको छ ।
त्यस्तै नेपालमा केही समयअघि मात्र एसिया प्रशान्त क्षेत्र हेर्ने राष्ट्रसङ्घीय निःशस्त्रीकरणको कार्यालय स्थापनामा सहयोग पुर्‍याएको तथा राष्ट्रसङ्घीय नियोग अनमिनको स्थापनाका लागि पनि राष्ट्रसङ्घ र विशेषगरी महासचिवलाई धन्यवाद ज्ञापन गर्नुभएको छ ।